NP EN

मेरा लागि देश देखावा कुरा हैन, देशभक्ति देखावा कुरा होइन – प्रम केपी शर्मा ओली

प्रधानमन्त्री केपी शर्मा ओली – फायरसाइड – ९ मंसिर २०७६
फायरसाइडको आजको एपिसोडमा कार्यक्रम प्रस्तोता भुषण दाहालसँग प्रधानमन्त्री केपी शर्मा ओली
यो कार्यक्रम कान्तिपुर टेलिभिजनमा ९ मंसिर २०७६ राती १० बजे प्रसारण गरिएको थियो ।



भुषण दाहाल: नमस्ते, आजको कार्यक्रममा हामीसँग हुनुहुन्छ मुलुकका प्रधानमन्त्री केपी शर्मा ओली । प्रधानमन्त्रीज्यू, वेलकम टु फायरसाइड । प्रधानमन्त्रीज्यू, धेरै समयपछि यसरी अतरङ्ग कुराकानी गर्ने फेरि मौका जु¥यो । यसअघिका यस्ता अन्तर्वार्ताहरूमा, तपाईं विकास, प्रोग्रेस, प्रगति, समुन्नतिको कुरा हामीलाई धेरै सुनाउनुभयो । यहाँका रहरहरू, यहाँका लक्षहरू, यहाँका सपनाहरू । दुई वर्षको समय प्रधानमन्त्रीका रूपमा व्यतित गरिसकेपछि ‘प्रोग्रेस कति भयो, विकास कति भयो, विवाद कति भयो ?’ बाट सुरु गरौं । सबैभन्दा अहिले चर्चाको शिखरमा रहेको छ – नेपालको कालापानी, लिम्पियाधुरा र काली नदिको मुहान – त्यहाँ भारतीय सेनाको अकुपेशन र हाम्रो डिप्लोमाटिक नोट । हामी कहाँ छौं अहिले कूटनीतिक रूपले यस विषयमा ?

प्रधानमन्त्री: तपाईंले दुईवटा कुरा उठाउनु भयो । एउटा, देश कता जाँदैछ, हामी के गर्दैछौं भन्ने । अर्को, सीमा विवाद र कालापानी सम्बन्धी, खासगरी कालापानीमा भारतीय फौज र लिम्पियाधुरा सम्बन्धी कुरा । पहिलो त हामी कता जाँदैछौं, नेपाली जनताको आकांक्षा साकार पार्ने हिसाबले अगाडि बढिराखेका छौं । र, हामीले हाम्रो राष्ट्रिय आकांक्षालाई दुईवटा साना–साना वाक्यमा – ‘समृद्ध नेपाल, सुखी नेपाली’ – समावेश गरेका छौं । त्यसलाई प्राप्त गर्ने बाटो के हो भन्दा सङ्घीय लोकतान्त्रिक गणतन्त्र – यसलाई हामी कसरी परिभाषित गर्छौं – लोकतन्त्र राजनीतिक क्षेत्रमा मात्र होइन, लोकतन्त्र समग्रमा, कम्प्रिहेन्सिभ डेमोक्रेसी हामीले भनेका छौं । यो सामाजिक, आर्थिक, साँस्कृतिक क्षेत्रमा पनि फैलिनु प¥यो, विस्तार हुनु प¥यो । छयालीस सालपछि राजनीतिक लोकतन्त्र हामीले ल्यायौं । तर त्यसलाई आर्थिक, सामाजिक, साँस्कृतिक क्षेत्रतिर विस्तार गर्न सकेनौं । तपाईंसँगै भएका अघिल्ला संवादहरूमा, फायरसाइडमै भएका कुराहरूमा हेर्नुभयो भने उसबेला पनि मैले भनेको छु, लोकतन्त्रलाई यदि आर्थिक, सामाजिक, साँस्कृतिक क्षेत्रसम्म विस्तार गर्न सकिएन भने र राजनीतिक अधिकारका क्षेत्रमा, स्वतन्त्रताका क्षेत्रमा मात्रै सीमित गरियो भने जनतामा सन्तुष्टी पनि हुँदैन र विकासले बाटो पनि लिँदैन । त्यसकारण यसले बाटो लिनुपर्छ, मैले भनेको थिएँ त्यसबेला । अब हामीले बाटो समातेका छौँ । यस प्रश्नमा मैले अहिले यत्ति भन्न खोजेँ ।

 


भुषण दाहाल: प्रधानमन्त्रीज्यू, यहाँले आफ्नो राजनीतिक लक्ष, त्यो लक्ष प्राप्तीका लागि यहाँले जति कामहरू अगाडि बढाइरहनुभएको छ, जुन कम, ज्यादा वा कतै शून्य रूपमा भएको नभएको अवस्था पनि छ । त्यो प्रोग्रेसिभ पोलिटिकल अग्रगमनलाई एकाएक फेरि यो सीमासम्बन्धी विवाद, समस्या र फेरि पुरानो, कहिल्यै निको नभएको घाउ फेरि बल्झिएको छ । यसको टाइमिङ्गलाई प्रधानमन्त्रीज्यूको स्ट्यान्ड–प्वाइन्टबाट आकस्मिक मात्रै मान्नु हुन्छ कि, यसमा अन्य राजनीतिक सोचनीय विषयहरू छन् ?

प्रधानमन्त्री: यो विषय नयाँ होइन । अहिले अतिक्रमण भएको हो र ? अहिले कालापानीमा भारतीय फौज बसेको हो र ? अहिले नेपालको सीमा मिचिएको हो र ? यो त तपाईंले जबदेखि नेपालको नक्शा हेर्नुभयो त्यस्तै थियो होला । लिम्पियाधुरासहितको नक्शा कहिल्यै पनि पढ्नु भएन । मैले पनि पढिन । तपाईंभन्दा म अलि बढि उमेरको, अलि अगाडिदेखि पढ्न थालेको हो । मैले पनि पढिन । अर्थात, लिम्पियाधुरासहितको नक्शा हामीले पढेनौं । त्रुटी त उसैबेलादेखि थियो, रहेछ । यो कुरा, महाकाली सन्धि सम्बन्धी विवाद हुँदा मैले ........