भक्तपुर, २९ मंसिर–नेकपा एमालेका अध्यक्ष केपी शर्मा ओलीले विकास निर्माण कार्यमा भ्रष्टाचार सैह्य नहुने वताउनु भएको छ । ओलीलाई वधाई दिन पुगेको निर्माण ब्यवसायी महासंघका पदाधिकारीको प्रतिनिधि मण्डलसँगको भेटवार्तामा ओलीले निर्माण क्षेत्रमा पारदार्शिता र गुणस्तरीयता अपनाउन ब्यवसायीहरुलाई सुझाव दिनुभयो ।
विकास निर्माणको गुणस्तरीयतामा कोही कसैंसँग सम्झौता नहुने ओलीको भनाई थियो । ओलीले निर्माण व्यावसायी बलियो हुने, पुल बाटो कमजोर हुने कुरा अब सैह्य नहुने बताउनुभयो । ‘निर्माण क्षेत्रमा अलि अलि भ्रष्टाचारको गन्ध आउँछ’ ओलीले भन्नुभयो ‘तर अब त्यस्ता दिन गए । सबैले इमान्दारीपूर्वक आर्थिक पारदर्शिता सहित गुणस्तरीय काम गर्नुपर्छ ।’
देश निर्माणका लागि निर्माण व्यावसायीहरुको भूमिका महत्वपूर्ण हुने बताउँदै ओलीले देशको प्राथमिकता नै अब विकास निर्माणमा हुने बताउनुभयो । ‘हामीले राजनीतिक संरचना तयार गरे पनि भौतिक संरचना तयार गर्न सकेका छैनौं’ ओलीले भन्नुभयो ‘प्रदेश सभाहरु चुनिए तर प्रदेशसभाको बैठक बस्ने भवन, मुख्यमन्त्री बस्ने भवन छैनन् । त्यस कारण राजनीतिक संरचनालाई काम गर्न सक्ने बनाउनका लागि भौतिक संरचनाको निर्माण द्रूत गतिमा गर्नु जरुरी छ ।’
नेपाल अहिले पुनर्निर्माणको चरणमा भएकोले पनि अबका केही दशक निर्माण क्षेत्रले देशलाई ठूलो योगदान गर्न सक्ने ओलीको भनाई छ । ‘भूकम्पले भत्केका घर र सार्वजनिक भवनहरु पुनर्निर्माणभएका छैनन्’ ओलीले भन्नुभयो ‘यी सबै क्षेत्रको पुन निर्माणका लागि व्यावसायिक क्षेत्रबाट सहयोगको अपेक्षा गरिएको छ ।’
आगामी सरकारले विकास निर्माणका क्षेत्रमा भएका अब्यवहारिक नियम कानुनलाई संशोधन गरेर छिटो र छरितो कानुन बनाउने ओलीले प्रतिवद्धता व्यक्त गर्नुभयो ।
यस्तै ओलीलाई वधाई दिन निवास वालकोट पुगेको नेपाल जामे मस्जिद ब्यवस्थापन समितिको टोलीलाई सम्बोधन गर्दै ओलीले नेपालमा अब कुनै पनि जाति वा समुदायले आफू विभेदमा परेको महसुस गर्नु नपर्ने बताउनुभयो । सबै अल्पसंख्यक समुदायको संरक्षण सरकारले गर्ने ओलीले बताउनुभयो ।
ओलीले विगतमा मुस्लिमलाई पनि मधेसी समुहमा राखेर त्यसको लाभ अरुले नै उठाउँदै आएको बताउनुभयो । ‘हामीले मुस्लिमलाई अलग पहिचान दिनुपर्छ भनेर छुट्टै समुहमा राखेपछि मुस्लिमले राज्यबाट प्रत्यक्ष लाभ लिन पाएका छन्’ ओलीको भनाई थियो ।
नेपालीहरुमा आपसी विश्वास र सद्भाव भएकै कारण जाति, धर्म र समुदायका बीचमा मिलेमतो भएको ओलीको भनाई थियो । आगामी सरकारले सबै वर्ग र समुदायलाई समान व्यवबहार गरेर राज्यको मुल प्रवाहमा समाहित गर्न सहयोग गर्ने ओलीले बताउनुभयो ।
<
विस्तृत समाचारका लागि यहाँ क्लिक गर्नुहोस्>
