काठमाडौं १३ बैशाख,प्रधानमन्त्री तथा राष्ट्रिय योजना आयोगका अध्यक्ष केपी शर्मा ओलीले राष्ट्रिय योजना आयोगका उपाधक्ष्य प्रा.डा. पुष्पराज कडेललाई पद तथा गोपनीयताको सपथ ग्रहण गराउनु भएको छ ।
प्रधानमन्त्री तथा मन्त्रिपरिषदको कार्यलय सिंहदरबारमा आज आयोजित कार्यक्रममा धादिङ घर भएका प्रा.डा. कडेललाई २०७५ बैशाख ११ गतेको मन्त्रिपरिषद बैठकले उपाधक्ष्यमा नियुक्त गरेको थियो ।
यसैगरी प्रधानमन्त्रीको उपस्थितीमा उपाधक्ष्य प्रा.डा. कडेलले योजना आयोगका ६ जना सदस्यहरुलाई पद तथा गोपनीयताको सपथ ग्रहण गराउनुभएको छ । पद तथा गोपनीयताको सपथ लिने सदस्यहरुमा डा.कृष्ण ओली काठमाडौं,डा.उषा झा महोत्तरी,डा.दिलबहादुर गुरुङ लम्जुङ,इ.शुसील भट्ट ललितपुर,मीनबहादुर शाही कालिकोट र डा. रामकुमार फुंयाल सिन्धुली हुनुहुन्छ ।
परिवर्तनकारी योजना बनाउन निर्देशन
प्रधानमन्त्री ओलीले आयोगका उपाधक्ष्य तथा सदस्यहरुलाई परिवर्तनकारी योजना बनाउन निर्देशन दिनु भएको छ । “अब साबिकका योजनाको निरन्तरता मात्र होइन नयाँ र परिवर्तनकारी योजना बनाउनुहोस” प्रधानमन्त्री ओलीले भन्नुभयो । प्रधानमन्त्री ओलीले आयोगका उपाधक्ष्य र सदस्यहरुले गहन परिस्थितीमा गहन अभिभारा पाएकोले यसलाई गहन ढंगले नै निर्वाह् गर्न निर्देशन दिनुभएको छ ।
.jpg)
प्रधानमन्त्री ओलीले जनताले अनुभुत गर्ने गरी योजना बनाउन,त्यसको कार्यन्वयन बिधी तयार गर्न पनि आयोगलाई निर्देशन दिनु भएको छ । जनतालाई आशावादी बनाउने योजना बनाएर परिर्वतनको अनुभुती सबैलाई दिनुपर्ने प्रधानमन्त्री ओलीले बताउनुभएको छ ।्
“सरकारले विकाशका विभिन्न भिजन बनाएको छ” प्रधानमन्त्री ओलीले भन्नुभयो “यी भिजनलाई योजनामा बदल्नुप¥यो । ”
प्रधानमन्त्री ओलीले कर्णालीको विकाशमा विशेष ध्यान दिन आयोगका सदस्यलाई निर्देशन दिनुभएको छ । “कर्णालीमा १० डांडा घुम्दा मात्र एउटा गाउँमा हुने घरहरु भेटिन्छन्” प्रधानमन्त्री ओलीले भन्नुभयो “त्यसकारण त्यहाँको बस्ती विकाशमा नयाँ ढाँचा प्रयोग गर्नुपर्दछ । ” प्रधानमन्त्री ओलीले कर्णालीमा यस बर्ष देखि जनता आवास कार्यक्रम सञ्चालन गरिने बताउनुभएको छ ।
