न्यूयोर्क, १२ असोज: प्रधानमन्त्री केपी शर्मा ओली र कम्बोडियाली समकक्षी हुन सेनबीच आज संयुक्त राष्ट्र सङ्घको मुख्यालयमा द्विपक्षीय भेटवार्ता भएको छ ।
उक्त अवसरमा नेपाल तथा कम्बोडियाबीच सहयोगका क्षेत्र विस्तार गर्ने तथा भ्रमण आदानप्रदान गर्ने विषयमा छलफल भएको जानकारी परराष्ट्र मन्त्रालयका सचिव शङ्करदास वैरागीले दिनुभयो । उक्त अवसरमा परराष्ट्रमन्त्री प्रदीपकुमार ज्ञवाली, परराष्ट्र मन्त्रालयका सचिव वैरागी, मन्त्रालयका प्रवक्ता भरतराज पौडेल तथा नेपाल सरकारका अन्य वरिष्ठ अधिकारी उपस्थित हुनुहुन्थ्यो । (विशेष प्रतिनिधि सुरेन्द्रबहादुर नेपाली–रासस)
