काठमाडौं, २२ जेठ, प्रधानमन्त्री केपी शर्मा ओलीले सबै नेपालीमा मेरो देश मै बनाउन सक्छु भन्ने भावना आउनु पर्ने बताउनुभएको छ ।
काठमाडौ महानगरपालिकाले आयोजना गरेको हाम्रो काठमाडौं हामी बनाउछौं कार्यक्रमको आज उद्घाटन गर्दै प्रधानमन्त्री ओलीले सो कुरा बताउनुभएको हो ।
प्रधानमन्त्री ओलीले चीन र इजरायल विकासको उदाहरण दिंदै नेपालले पनि त्यही गतिमा विकास गर्नु पर्ने बताउनुभयो । “हामीले सबै कुरा अन्वेशण गर्ने भन्दा पनि हामीसँग नभएको प्रविधि अन्तबाट आयात गरेर भएपनि विकासको गतिलाई तिव्र बनाउनु पर्दछ ” प्रधानमन्त्री ओलीको भनाइ छ ।
प्रधानमन्त्री ओलीले देश विकासका लागि युवाहरुको भूमिका महत्वपूर्ण हुने बताउनुभयो । “देश विकासका लागि युवाहरुको सोच अति आवश्यक हुन्छ” प्रधानमन्त्री ओलीले भन्नुभयो “युवाहरुको उत्साहपूर्ण सहभागिताले नेपाललाई छिटै विकसित देशको रुपमा हामी विश्वमा चिनाउन सक्छौं ।”
