काठमाडौं, १८ साउन,प्रधानमन्त्री केपी शर्मा ओली नियमित स्वास्थ्य जाँचका लागि आज सिंगापुर प्रस्थान गर्नुभएको छ ।
आज राती ९.५० बजे सिल्क एयरको विमानबाट प्रधानमन्त्री ओली त्यसतर्फ प्रस्थान गर्नुभएको हो । सिंगापुरको नेसनल यूनिभर्सिटी हस्पिटलमा प्रधानमन्त्री ओलीको उपचार हुनेछ । प्रधानमन्त्री ओलीको साथमा पत्नी राधिका शाक्य, प्रमुख सल्लाहकार बिष्णु रिमाल, स्वकीय सचिब राजेश बज्राचार्य, प्रधानमन्त्रीकी निजी चिकित्सक डा.दिव्या सिंह लगायत सिंगापुर प्रस्थान गर्नुभएको छ ।
प्रधानमन्त्री ओली साउन २४ गते शुक्रबार स्वदेश फर्कने कार्यक्रम रहेको छ ।
