KP sharma oli

काठमाडौँ, २२ फागुन: प्रधानमन्त्री केपी शर्मा ओलीले लामो समय देखिको सपना रहेको मेलम्ची पानी अबका केही दिनमै राजधानीबासीले पाउने बताउनुभएको छ । मेलम्चीको पानीलाई सुरुङमार्ग हुँदै काठमाडौं झार्ने कार्यको आज शुभारम्भ गर्दै प्रधानमन्त्रीले यो राजधानीबासीका लागि खुसी मनाउने अवसर भएको बताउनुभयो । ’जतिबेला पायो त्यतिबेला लड्डु खाने होइन । यसबेलामा लडु खाने हो‘, उहाँले भन्नुभयो ।  

प्रधानमन्त्रीले विगतमा असावधानी र प्राविधिक त्रुटीले भएको  बताउँदै  अबका दिनमा पानी ल्याउँदा हुनसक्ने सम्भावित जोखिमबारे मेलम्ची खानेपानी आयोजना सजग रहन  पनि निर्दैशन दिनुभयो । 

‘मेलम्ची कुरा मात्रै हुने हो की’ ? भन्ने अवस्था सिर्जना भएको पनि उहाँले बताउनुभयो । ‘मैले कुरा सुन्दा जम्मै कपाल कालो थियो। अहिले सम्पन्न हुँदा एउटा पनि कालो कपाल बाँकी छैन’ , उहाँले भन्नुभयो । प्रधानमन्त्री ओलीले अहिले थुपै कामहरु अघि बढेको उल्लेख गर्दै आफूलाई काम गर्न नदिएको अहिले प्रमाणित भएको समेत बताउनुभयो । दोस्रो चरणमा यांग्री र लार्के खोलाबाट पनि थपेर पुरै उपत्यकालाई यथेष्ट पुग्ने पानी वितरण गरिने पनि उहाँले बताउनुभयो । यसका लागि पाइपहरुको परीक्षण गरी सुरक्षित पार्न समेत उहाँले सम्बद्ध निकायलाई निर्देशन दिनुभयो । 

मेलम्चीको पानी आगामी २६ गते थप प्राप्त गरी बागमतीमा पानी छाेिडने र भोली पल्टको शिवरात्रीमा सफा पानी उपलब्ध हुने पनि उहाँले बताउनुभयो । अहिले सरकारले तिव्रताका साथ विकास कार्य अघि बढाइरहेको बताउनुभयो । केही समय पछि सुनकोशी कमला डाइभर्सन निर्माण छिटै सुरु हुने बताउनु । 

एक थरीले सरकारले (विकाम निर्माण कार्य ) उधुमै गर्न लाग्यो भनेर सरकारको नेत्तृव परिवर्तन गर्नतर्फ लागेको  समेत उहाँले बताउनुभयो । जनताको साथ पाए विकास निर्माणको कार्य तिव्रतर अघि बढाउन सक्ने भन्दै प्रधानमन्त्रीले महाकवि देवकोटालाई उधृत गर्दै भन्नुभयो, ‘तिमिले हाँसे म हाक्न सक्छु इन्द्रको आशन’ ।













मेलम्चीको पानी बागमतीमा, 'उपत्यकावासीको सपना पूरा भयो' - प्रधानमन्त्री

सिन्धुपाल्चोकको हेलम्बु गाउँपालिका–१ बाट ल्याइएको मेलम्चीको पानी २६.५ किमी सुरुङबाट परीक्षण भएर काठमाडौँको गोकर्णेश्वर नगरपालिका–१ सुन्दरीजलमा झरेको छ । उपत्यकावासीको प्यास मेटाउन बहुप्रतिक्षित राष्ट्रिय गौरवको आयोजनाका रुपमा रहेको मेलम्चीको पानी सुन्दरीजलमा आएपछि आज प्रधानमन्त्री केपी शर्मा ओलीले स्वीच दबाएर परीक्षण गरिएको पानी बागमतीमा झार्नुभएको हो । कार्यक्रमलाई सम्बोधन गर्नुहुँदै प्रधानमन्त्री ओलीले उपत्यकावासीको लामो सपना पूरा भएको बताउनुभयो ।

“मेलम्चीको पानी सुन्दरीजलबाट बागमतीमा झारेका छौँ, कोशीमा बग्ने पानी अब बागमतीमा आएको छ, प्रदेश नं १ मा जाने पानी बागमतीबाट प्रदेश नं २ हुँदै गएको छ, पानी दिने सिन्धुपाल्चोकको हेलम्बु एवं मेलम्ची क्षेत्रवासीलाई धन्यवाद दिन्छु, नेपालमा प्रविधिका माध्यमबाट ठूलो आयोजना सम्पन्न भएको छ”, उहाँले भन्नुभयो ।

विकास निर्माणमा एकपछि अर्को सफलता प्राप्त भएको प्रधानमन्त्री ओलीले बताउनुभयो । आफ्नै पार्टीभित्रकाले काम गर्न नदिएपनि फागुन १० गतेदेखि २२ गतेसम्म ठूला आयोजना उद्घाटन वा शिलान्यासका काम भइरहेको उहाँले सुनाउनुभयो । दोस्रो चरणमा याङ्री र लार्केको पानीसमेत ल्याएर उपत्यकामा खानेपानीको समस्या समाधान गरिने प्रधानमन्त्री ओलीले प्रतिबद्धता व्यक्त गर्नुभयो ।

अहिलेको परीक्षणका क्रममा २६० लिटर मात्र हालिएकामा फागुन २६ गते पानीको मात्रा बढाएर महाशिवरात्रिमा स्नानका लागि वाग्मतीमा स्वच्छ पानी बगाउने योजना पनि उहाँले सुनाउनुभयो । “पार्टीकै मानिस प्रत्यक्ष ११६ सिट जितेको आफ्नो नेतालाई हटाएर २३ सिट जितेको नेपाली कांग्रेसकामा निवेदन हाल्न गएका छन्”, समसामयिक विषयमा राजनीतिक टिप्पणी गर्नुहुँदै प्रधानमन्त्री ओलीले भन्नुभयो ।

खानेपानी मन्त्री मणिचन्द्र थापाले नेपाली जनताको खानेपानीको सपना २२ वर्षपछि राजधानीमा मेलम्चीको पानी आएर पूरा भएको बताउनुभयो । “२२ वर्षका बीचमा व्यवस्था एवं सरकार परिवर्तन भएपनि मेलम्चीको सपना पूरा भएको छ, कृष्णप्रसाद भट्टराईको पालामा शुरु भएको मेलम्ची आयोजना केपी शर्मा ओलीको पालामा सम्पन्न भएको छ, सुरुङमा पानी हालेर सफल परीक्षण भएको छ, चैत दोस्रो साता उपत्यकावासीका लागि मेलम्चीको पानी धाराबाट वितरण गरिन्छ”, उहाँले भन्नुभयो । मेलम्ची आयोजना सम्पन्न गर्न लाग्ने सबै पक्षलाई मन्त्री थापाले धन्यवादसमेत दिनुभयो ।

मन्त्रालयका सचिव माधव बेल्वासेले मेलम्चीको पानी कोशी जलाधारबाट वाग्मती जलाधारमा आउनु ठूलो उपलब्धि भएको बताउनुभयो । फागुन १० गते सिन्धुपाल्चोकको हेलम्बुबाट सुरुङमा हालेको मेलम्चीको पानी १२ दिनपछि आज सुन्दरीजलमा आइपुगेको उहाँले जानकारी दिनुभयो ।

मेलम्चीको पानी प्रशोधनका लागि सुन्दरीजलमा साँढे आठ करोड लिटर क्षमताका दुई प्रशोधन केन्द्र निर्माण सम्पन्न भएको छ । प्रशोधित पानी सुन्दरीजलबाट लगेर उपत्यकाका नौ स्थानमा निर्माण भएका पानीपोखरीमा हाली त्यहाँबाट वितरण गरिन्छ । अर्को एक पानीपोखरी हाल निर्माण भइरहेको मन्त्रालयले जनाएको छ ।

पहिलो चरणमा मेलम्ची खोलाको दैनिक १७ करोड लिटर पानी उपत्यकामा आउनेछ । दोस्रो चरणको याङ्री र लार्केको विस्तृत परियोजना प्रस्ताव तयार भइसकेको मेलम्ची खानेपानी विकास समितिले जनाएको छ । दोस्रो चरणका दुई खोलबाट थप ३४ करोड लिटर गरी दैनिक ५१ करोड लिटर पानी सुरुङमार्गबाट राजधानी ल्याई वितरण गरिने योजना छ । (रासस)